شعر و حکایت بلوچی
منی بانک منی کیگد منی ســـــــاه
غم ء لنُجین شپانی ماه ءُ همـــــــــــــــــراه
مـــــــــــــــنی دل خواه غم ء تالان کنوکیــن
منی لوگ ء چراگ ءُ زیب ءُ همـــــــــــــــــراه
پری پیکر منی مهلنج ءُ زیبــــــــــــــــــــــــــا
منی زند ء نپس محبوب ءُ هــــــــــــــــمراه
هما کـــــس اشک ء ای سهتان بپوش انت
که بی دک شات ءُ سیر انت مست ءُ گمراه
جمال الدینی
کو کران بیارات آیل ء هالان
چم په راه ء من تا که چند سالان
من نزانان که کد کدی بیتین
آ کپوت چاهی بیاریت اهوالان
روچ و شپ بید که آه پریات ء
کار دگه نیست انت نشتگو نالان
احمد جگر
کیا گُشته من بی وفا ء چه تُرسان
نه ترسان کس ء چه خُدا ء چه تُرسان
دل ء تپان گون استنت واهگ منارا
پمیشکا من درد ء دوا ء چه تُرسان
وفا ء مگر نام ء گون من تو هچبر
من زانان ترا تئی وفا ء چه تُرسان
منی آه ءُ نارگ اپرباز دارنت
بلی من دل ء بد دُعا ء چه تُرسان
من ء هچ بزگ نه بیت په وتی دل
بلی کمین قهر خدا ء چه تُرسان
په بد نامی ء تو چه دنیا ء تُرس ئی
جگر من و قهر خُداء چه تُرسان
داکترم ـ ی ـ دُرّا بلوچ چه رندانی تک دُرازهی ء کتم ء انت ــ ای نامدارین سیاهگ زانت ءُ لچهـ کار یکم جولائی سال ۱۹۵۰ءمان میز رین بم پشت
ء ودی بوتگ ــ آئی وتی بنداتی زانش چه جالک (ایرانی بلوچ دیهـ ) ئ در بر تگ ــ
داکترم ـ ی ـ دُرّا بلوچی راستین سیاهگء هنچین هز متکاری که هر بلوچی آئر ء زانت ءُ سر پد انت ــ
داکترم ـ ی ـ دُرّا کینیدا ء جهمتد انت بلی دل ئی گون وتی راج ءُ دیهـ ءُ لبزانک ء بندوک انت ــ آئی شه کینیدا ء بلوچی ءُ انگریزی ء پی ــ ایچ ــ دی
کتگ ــ ءُ چه لینیدا ء ماهتاک "روچ " ء چیزی تاک هون شنگ کتگ ــ آئی وتی لبزانکی زند سال ۱۹۷۵ ء بنگیج کتگ ــ چه هما روچ ء بگردان
مروچی ء یک کج ء بلوچی شیاهگ ء ۳۵ نمیرانین کتاب نبشته کنان ء جریدگ کتگ که په چهاپ ء مهتل انت په در ور چیزی کتاب !
"راج باهند " داکتر ء لچهانی دیوان انت که هزار تا کد یمی چار تاکبند انت ــ ای هما لبزانکی شاهکار انت که باهندی آ ؤرت کنت ــ
"ساور" ء گال یلد هما کتاب انت که انگریزی ء نام ئی آ کسپورد انگلش دکشنری انت چه انگریزی ء په بلوچی ء ترینگ بوتگ ــ
" سینوهه " ای کتاب چه "هیرو گلیپ " ء سیاهگ ء پرانسوی ءُ انگریزی ء بوتگ داکتر چه انگریزی سیاهگ ء په ماتین بلوچی راستین سیاهگ ء
ترینتگ ــ
"پاک وانگی" چه ابرانی سیاهگ ء داکتر ء ترینتگ ــ
ششمی مزنین کار بلوچی زبان ء هما کتاب انت که چه وانگجاه ء اولی درجه بگردان دهمی درجه ء کتابانی لرانت ــ اگان شنگ به یت دان کماش ءُ
نودر بران چه سیاهی ءُ گسری ء رکینیت ــ
داکتر ء بلوچ راج ء راستی " راجد پتر " ء سر ء بور تاچی کتگ ءُ ده هزار سال پُشت ء بگردان بیست ءُ یکمی صدی ء بلوچ راج ء راجد پتری
زند پلگار اتگ ـــ
هشتمی کتاب "پاک تاک " انت ایشی بارو ء کس هچ گشت نه کنت ــ داکتر ء گشگ انت که ای کتاب چه آئی مرگ ء رند شنگ بیت ــ
" زبان " ای کتاب آئی پی ــ دی ء دگری ء گرگ ء وهد ء نبیستگ ای کتاب بلوچی ءُ انگریزی زبان ء بارو ء انت ــ
چه ای کتابان ابید دگه بیست ءُ شش کتاب هون په چهاپ ءُ شنگ ء جرید گ انت ــ
چاربند
روکـــیـــن ارســــا ن گـــون وتـــی کـــوریــــن لـــدان مـــان مــــدار
مــــن کـــدی گــــشـــتـــگ مـــن ء دهـــر ء ور ء دوســـت بـــــــدار
کـــوه ء آدامـــــن ء بــــنــــدیـــــن بـــیـــا گــــــدان ء را وتـــــــــــــــــی
وش ــــنه انـــت هــــر روچ زهــــیـــــرانــــی مـــــئــــی لـــد ءُ بـــار
ـــــــــــــــــــــــــــــــــــــــــــــ مومن معراج ــــــــــــــــــــــــــــــــــــــــــــــ
م ــ ی ــ دُرّا بلوچ
نی بلوچ چاتانی نه بیت شیماز !
شـــاتـــل گــون شــاهــیــن ء نــه بــیــت هــمــراز
گـــون گُـــد ء دوز دار نـــــه بــــیـــت مــــــگراز
مـــن دیـــان جـــوریـــن دُژمـــنـــان ســـوجــــــی
نـــی بـــلـــوچ چــاتــانـــی نـــه بــیــت شـــیــمــاز
پــه مــن ء گــنــجــی دیــهــ مــنــی بــاگــیـــــــــن
مــان تــئــی هــر جــان انــت مـــه مـــگر ایـــراز
مــلــک تــئــی بــدواه گــــر ســتــر شــر انـت
پــه مــن ء گــیـش انــت جــلـگـهـیـن ســـر بــــــاز
چــه تـئـی هـپـت رنـگـیـن گـلـستـــــــــــــــــــان ء
مــن ء هــزار رنــد ء دوســتــر انــت بـــــــــزدار
چـه گــــلامی ء شــربــت ءُ ونــگـــــــــــــــــــان
وش تــر انــت کـــوش ءُ کـــــونـــر ءُ پــیــــمــاز
چــه تــئــی وشــیــن زیــمــلان زلـــــــــــــــــم ء
وش تـــر انـــت پـــه مـــن تـیـمـبُـک ءُ مـار سـاز
نـه کـه آسـکـار انـت سیــاســـی بــدواهــــــــی !
راج گــهــیـن زانــتــکــار انـت نـه انـت بـی هاز
دُرّ کـشـیـت چــه ســـــــــــــــــــــــــــاور ء دُرّا
کـنـت بــلــوچـــی ء گــوهــران شـــوهــــــــــاز
رونق بلوچ
چـــــکــــــرّان آرت پــــــــمــــا ره بـــــنــــــــــــــــــــــدان
کــــه هــــر چُــــنـــت غــــم بــــه بـــیـــت بــچــکـــنــــــدان
آ کـــــهُــــنــــیــــن نـــــنـــــد ءُ نــــیـــادی ســیــــت انـــــــــت
دگــــــــــــــه نـــوکـــبـــن نـــوبـــتـــی پــــر بـــنـــــــــــــدان
بـــژن انـــــت دل مــــنــــی گــــران بـــــار انــــــــــــــــــــت
چـــــه دروگـــــیــــن وعــــــده ءُ ســــوگــــنــــــ-ـــــــــــــــدان
داگ مــــــن ایـــــر کُــــتــــه بــــنــــدبــــنـــــــــــــــــــــــــــد ء
پـــه شــــئــــــی گـــــوســـــتــــگـــیـــن پــــد ءُ رنـــــــــــــدان
آ قـــــــولانــــــی شـــپ انــت بـــی مــتـــیــــــــــــــــــــــــــن
کــه گـــــوســـتــنـــت گـــون ردیـــــن تــــــیــر بـــــــــــنـــدان
تـــــو رونــــق دل مـــــدئی امــــــــــــــــــــــــــــــــــــــروز ء
چـــه لاچـــــــار ءُ غـــــمــــــی پــــا بــــنـــــــــــــــــــــــدان
آســان نـــه انـت درد ءُ ســــوزمـان ء دل ء دارگ
بـالادء کـسـانین ء هـمبل تـئی شـابـاش انـت !
گــوازیــن ئــی په شُد روچان انگت نئی دلوارگ
حــال ء وتــی دنــیــا ء بــاور چــون کــنائـیـن ئـی !
چاک بیت نه کنت سینگ اندر نه بیت پیش دارگ
ای داگ مــــنــا داتــگ آزاتــیــن غُــلامـــــــــــــــی ء
ارســال کــه هــوار انــت حـون گـون کندگان اُفــاّرگ
چُـتـگ چه ای انـدهان هنچوش انت پتو ســــاحـــر
آزمـــان ء پــدانــک بـنـدگ اسـتـلانـی جـهـــــل آرگ
مُراد ساحر
تـئـی دوری پــمـن مـشـکـل
گـو من دارگ نـه بیت ای دل
منی سسا سما شنـگ ایت
دل ء واهـگ مه بنت حاصل
عارف حلیم
وخـت بـهار گه ء آهت آحــت انت من ء یــات
آ ســیـــل ءُ ســادات آ عــنـبـریـن گــــوات
پـکـران مـن ء زیـــــات بست انت په شاهمات
او دل مـــکــن یـــــات
رنــجــان مـکـن زیــات
آ مـــاه ءُ ســــــــالان
آ گــــــپ ءُ گـــــــالان
پــــه لـــــد ءُ بــــــار ء دُر دیــــــدگــــــــــان ء
گــشُـت ء جـنــــــان ء مـــــچ کــن گـــــدان ء
بـــنـــد مــــهــبــلان ء پُـــلان پـــه شـــــان ء
بـــوت انـــت روانـــــه مــنـــزل جـــنــــان ء
او دل مـــکــــن یـــــات
رنــجــان مـکـن زیــــات
آ مـــــاه ءُ ســــــــالان
آ گــــپ ءُ گـــــــــــالان
دُرگــالــیـن بــانــــک گــون چـیـت دنــــان ء
ســـوار مــهــپـــلان ء لـــــــــــــــودو وران ء
وشـــــــی کــنـــان ء لــیــکـــو جـــنــــان ء
بــوت انـــت روانــــــه مــنــزل جــــنــــــان ء
او دل مــکـــن یــــات
رنــجــان مـکـن زیـات
آ مــاه ءُ ســــــــالان
آ گـــــپ ء گـــــــالان
پــــــه سـبــــز زار ء اُشــتــر قــطـــــــــار ء
پُـــل ءُ مـــهـــــــار ء دیــــــم پــه بـــهـــار ء
ســبــزیــن دگــــار ء چـــو مـسـت ءُ ســارء
دور شــاپ کــنـــان ء مــنــزل جــــنــــــان ء
او دل مـــکــن یــات
رنـجـان مـکـن زیـات
آ مــاه ءُ ســــــالان
آ گــــپ ءُ گـــــــالان
ژنـــگ ءُ چــریــنــــگ ء مــســتــیــن تــــــوار ء
یـک کـوشین گرشـیــن جــان کــش کـــنـــان ء
هــر تــاک ءُ پُــــــــــل ء زیـــارت کــنـــــــــــان ء
بــــوت انــــت روانــــــه مــنــزل جـــنــــــــان ء
پیر محمد زبیرانی
