شعر و حکایت بلوچی
گذاری عکس و فیلم ارسال دعوت نامه به دوستان سخن و ضرب المثل -
شعر و حکایت های بلوچی در هیدوچ میوزیک . به جمع ما بپوندید تا از
اینترنت لذت ببرید.منتظر شما هستیم .
سایت هیدوچ میوزیک راه اندازی شد.
منتظر شما هستیم
با نظرات ارزشمند ما را یاری کنید.
سلام
پس از چند روز تلاش و زحمت سایت هیدوچ میوزیک راه اندازی شد.
با سلام
سایت هیدوچ میوزیک راه اندازی شد. لطفا از لینک زیر وارد سایت هیدوچ میوزیک شوید و از ترانه های جدید لذت ببرید . برای بهتر شدن سایت لطفا نظر پیشنهاد انتقاد و یا ایده ای به نظرتان رسید از طریق ارتباط با ما که فرمی برای ارسال ایمیل موجود است و یا از طریق شماره همراه ذکر شده ما را برای بهتر شدن سایت یاری کنید.
با تشکر فراوان
مادنین راهی نه گندان واجهان
سر جنان من چو گارین کاروان
راهی مئی گتّ انت ءُ دیم ء یک گری
دورین راهی گپتگ ءُ رُنگ ء روان
ترس ءُ تا هاپ بیده ءُ لُنجین شپئ
ای هدا بزّگ به کن په بی دران !!
نی که ما را زند ءُ سبزین کهچری
چو که بگُ بی مهار ءُ ساربان
کوه په کوه ءُ ملک په ملکین ما مدام
بار کشّین چو ازابین هُشتران
مشکلی میر سر به بی تو منزل ء!
دان نه زیر ئی مرد زندین تو روان!
گارین کاروان
من ء کشتگ بارگ تئی دوری جدائی
تئی کولیگ باتان مه کن بی وپائی
دوست تئی جتائی ء کشتگ من ء را دلون بی کرار انت نه گندان ترا را
امیت واران روچی تو کائی پدائی
من ء کشتگ بارگ تئی دوری جدائی
دل ات بُرت منی چوشمشت ئی چی ء گل کنان آه ءُ پریات نالان چو بلبل
دلون یک ات تو بُرت دگه نیست بهائی
من ء کشتگ بارگ تئی دوری جدائی
ترا چی هبر که چتور من گنوکان تئی اشک ء آس ء او دلبر من روکان
مه کرتین تو گون من چشین بی هدائی
من ء کشتگ بارگ تئی دوری جدائی
جی گلزمیں پاکیں وتن ۰۰۰۰۰
مۓ مکّھ ء ماتیں وتن ۰۰۰۰۰
ندر انت مۓ کل جان ء مال
مۓ پـسگ ء سولیں نھال
وھدےبہ کنت گوانگ ء توار
ماما نشانیں چوشمال
جی گلزمیں پاکیں وتن ۰۰۰۰۰
مۓ مکّھ ء ماتیں وتن ۰۰۰۰۰
ما پہ وتی ماتین دوار
پہ دژمن ء بیئں زھرء مار
گوں بجّ ء سولیں پسگاں
جان ء دل ء بیئں ما نسار
جی گلزمیں پاکیں وتن ۰۰۰۰۰
مۓ مکّھ ء ماتیں وتن ۰۰۰۰۰
گُزر
نه بیت بی گناه ءُ هتا ء گزر
نه بیت پاکدامن ای درستین بشر
تمامین جهان ء کنئی گرد ءُ چر
په گور ء نه کنت انت کس ء وت سپر
په نگبهت ء کّت ءُ په شوم ء مه کّت
نه بیت شوم ء نگبهت په تئی سوج ءُ سر
په مال ء برات ء مکن ناز ءُ گل
مبو مرد گُستاه ، په مال ء دگر
هزار مُچ بکن دولت ءُ مال ءُ زر
نه انت ملکموت میر چه تو بی هبر
روئی هنچشین جاهی آرام بئی
تواری نئیت انت صدا یی چه در
معرفی شاعران بلوچ
سماج دشمن
هزار لوگ سوچ ئی تو یک لوگئ بندئی
مان ای لوگ ء توک ء تو وشّی نه گندئی
جتگ سهر ء هشت را دوتئی دست ء
گون براتانی هونان تو ماری یی بستگ
کی ء پاگ بستگ که تو پاگ بندئی
مان ای لوگ ء توک ء تو وشّی نه گندئی
ترا لالچ انت دولت ءُ مال ءُ زرّ ء
بلی ای لوگ لُمبیت تو چیر ترّئی
ادان تاپ ءُ گیواری تو هم نه رندئی
مان ای لوگ ء توک ء تو وشّی نه گندئی
کجامات ء لال انت که جامگ ئی چاک انت
ءُ کپتگ مه حاکان دپی پُر جاک انت
چی ء مات ءُ رودانی ارداه ء سندئی
مان ای لوگ ء توک ء تو وشّی نه گندی
سر ء دژمن ئی تو وتی قوم ءُ راج ء .....
تو ناسوری ئی ملک ءُ دراهین سماج ء
جهان گون غمان انت ءُ تو گل ء کندئی
مان ای لوگ ء توک ء تو وشّی نه گندئی
ای ورنا کسانین مان گرمین جسان انت
تُشی هیروین ء چتور پلپتان انت
تئی میرین برات انت تو کورئی نه گندئی
مان ای لوگ ء توک ء تو وشّی نه گندئی
مال
ای دور ء مـاتـان مـال ء گـنوکـان
ای دُر ءُ بار یگ چور یگ لوتان
نی ذات چار انت نی جُریات چاران
مـالداری گندان مان چّمان ئئ داران
ای شـرّیـن جـنکّـانی وشّی نه لوتان
ای مال ءُ دولت ای چاندی نه لوتان
عــزیــز ءُ بــراتــان پـجّــاه نــیــاران
وت ء دور داران چه برات ءُ گهاران
دوسـتی ءُ سـیادی بـراتـان نـه چـاران
دوستی گون مال انت مالدار ء چاران
کـسـانـیـن جـنکّانی بر باد انت جوانی
نه چار انت پیری نه چار انت کسانی
دوست ءُ همبلان پادا ات
پروشت سنکلان پادا ات
پادا گوش کتگ نون بام ء
سُهری شنگ کُتگ گور بام ء
بـل ات گـــنـدلان پـادا ات
دوست ءُ همبلان پا دا ات
پادا که سباه ءُ روچ انت
مُرگانی توار ءُ موچ انت
بــــولانــی یــلان پــادا ات
دوست ءُ همبلان پادا ات
دُنـیـا دنـزانـت ءُ تـا مـور انــت
تو پان انت مُج انت ءُ هور انت
زنــدیـن تـرونگل انت پادا ات
میر احمد دهانی
ای بلوچستان تویی اسرار من
من بلوچم هر بلوچی یار من
ای بلوچستان دوای درد من
ای بلوچستان تویی تیمار من
تو تیای خاک تو در چشم من
بوی تو درمان کند بیمار من
من بلوچم نام من تاریخ من
جز بلوچی کس نبود غم خوار من
من بلوچم مرد جنگی مرد کوچ
می نوازد مردی ام را تار من
منبع : گاهنامه فرهنگی استون
حل کئ دلبرئن دُردانگ دنیای ترا چم سک انت
تهنا من نهان دلمانگ دنیای ترا چم سک انت
دیم پا مکتب ا در کائ حل کئ مردمان چم بند کن
صحبا تو روئ پا وانگ دنیای ترا چم سک انت
باغ مئ نهال نوک تاکین زوت، زوت ء برود کربانون
گون هر کیمتئن دانگ دنیای ترا چم سک انت
کجا کجا روانی .........
کـجـا کـجـا روانــی کـه دل تــرا تــوارن کـدی کـدی تـو کایئی دو چم تی راهچارن
سبد سبد گل و پل تی رهسرا نثارن طـبـق طـبـق مـحـبـت گـونــا گـلان هـوارن
تو بیا په شوق و شانی چو باغ ء یا سمینا
جـهـان که سمبهینی گلان تی آرزوا سمن که پیش دلریت قدیمی رنگ و بوا
سمین که شهر گولیت بهار ء جستجوا کلی که چست کن می دلانس های و هوا
گوشی که انتظارن په تی گلین جبینا
سهی نیئی که دوشی وفا ء داستانت چراغ و پا توانی دوبارء امتحانت
ادا دلی غمگین په نو گلی سٌچانت گوشئ ترا و ما را دوبارء گپ و ترانت
سحر که بیت شتی تو پدا په هندو چینا
ادا مرادء شهرن ادا قرارء شندن ادا امید ء گورن ، ادا وفا ء بندن
ادا گلانی ملکن ، ادا دلانی هندن گیا چشین گلا غم په طارقا پسندن
منبع : مجله استون
